Gimma – Angscht Lyric

aus dem Album I gega d' Schwiiz

I han Angscht das z'verlüüra wasi han
Min Verstand isch am schuuba wia verdammt
Das isch nid dis Pseudo du Hoodlife Punk
Das isch verdammt harti Realität
Wie wenn dr Wind dreht, und as goht aifach nüma füüri
Gott spuckt dia Süüri übers Land
Und dia Regawolka tanzt über dinem Kopf etz nona Rundi
Und dia Sekunda vor dem Grab sind Minuta
Und dini Liabi unter dera Erda isch uf eimol verschwunda
Diar isch kalt und au dia dickschti Dunajacka
Fuckt ab, din Kopf ischa Sauna, dina Blick isch Starr
Dini Pupilla werdent Teller und de Tag wird zur Nacht
As hetti alles könna schön si jetzt ischs Schutt und Bach ab

Menscha sterbend, entweder wänds oder müans
Uf all Fäll tüans, sind vergänglichi Materia
Erkläriga sind immer nur si schwach und so müad
Du wettisch Seelafrieda ha aber in diar inna glüahts

[ Refrain 2x ]

I han Angscht, I leba im allerschönschta Land
I han Angscht, I verlür dr Verstand
I han Angscht, i minem Kopf nuno dr Wahn
I han Angscht, aber kai Ahnig vor was

Äs isch nid zum beschriba, mini Liida kriagi nid in dia Ziila
Han an abgfuckti Familia und i schwiga
As gaht oi an Schaiss ah wasi fühla, verlüüra d Kontrolla
Lohn dia Droga ina, lohn sie ina, lohn sie inaaa
Aber as gäbt Jobs, gäbt Geld, gäbt Glück uf dera Welt
Gebt Händli wo di füahrend aber dr Weg fehlt
Es isch alles so kalkuliert als wär z' Leba an Ex-Cel
Tabella, nur dia Zahle sind fählend...
Und i dreha langsam in dr abwärts Spirala,
Und im glicha Zug wider druf wia Achterbahna
I kann das alles nid fassa, Glück und Tot sind Kollega
Und züüchend dia Fäda imana Schauspiel ohni Regla
Und all die Massa vo Menscha wo sich hassend
Verletzend, vergessend und im Elend verblassend
I bin do und i stohn, kann Gott tua wianer will
Luag in mini Auga, du gsehsch Gottes Spiagelbild

[ Refrain 2x ]

I han Angscht, I leba im allerschönschta Land
I han Angscht, I verlür dr Verstand
I han Angscht, i minem Kopf nuno dr Wahn
I han Angscht, aber kai Ahnig vor was

(Quelle: CD Gimma - Ich gega d' Schwiiz )